Noble Fit

أزياء عصرية تناسب كل الأذواق، بجودة تدوم وأسعار تناسب الجميع ✨

سلتي

  • السلة ديالك 🛒

    127 زبون راضي - 4.8/5 نجوم - خلص ملي توصلك و شوف الكاليتي

  • السلة ديالك 🛒

    127 زبون راضي - 4.8/5 نجوم - خلص ملي توصلك و شوف الكاليتي

عفوًا، سلتك فارغة

ابدأ بإضافة منتجات لتظهر هنا.

تصفح المنتجات

منتجات مميزة

سياسة الاستبدال والاسترجاع

↩️ سياسة الاستبدال والاسترجاع

عندك 7 أيام كاملة باش تبدل ولا ترجع، بلا صداع!

حنا فNoble Fit عارفين بلي الشراء أونلاين كيخلع شوية، داكشي علاش درنا سياسة سهلة و واضحة باش تشري و نتا مرتاح.

1. شحال عندي ديال الوقت؟

عندك 7 أيام من نهار كتوصلك السلعة باش تطلب التبديل ولا الإرجاع.

مثال: توصلك نهار الاثنين، عندك حتى الاثنين الجاي فالليل باش تقول لينا بغيت نبدل. من بعد 7 أيام، ما كنقبلوش لا تبديل لا إرجاع، سمح لينا.

2. شنو الشروط؟

خاص السلعة تكون:

  • ✅ جديدة، ما ملبوساش
  • ✅ فيها التيكي ديالها و العلامة
  • ✅ ما مغسولاش
  • ✅ ما فيهاش ريحة العرق ولا أي ريحة
  • ✅ فالباكية الأصلية ديالها
  • ✅ ما مقطعاش ولا موسخة

إلا كانت السلعة موسخة، مغسولة، ولا بلا تيكي، ما كنقبلوهاش، سمح لينا.

3. كيفاش نبدل الطاية ولا اللون؟ (فابور)

  1. صيفط لينا فواتساب 0681947803 و قول "بغيت نبدل"
  2. قول لينا شنو بغيتي تبدل و شنو بغيتي فبلاصتو (مثلاً: من L ل XL، ولا من Noir ل Beige)
  3. كنصيفطو ليك موصل كيجي عندك كيدي القديمة و كيعطيك الجديدة فنفس الوقت
  4. التبديل الأول فابور 100%، ما كتخلص والو

إلا بغيتي تبدل مرة ثانية (نفس الكوموند): كتخلص 30 درهم توصيل. التبديل كياخد 24-48 ساعة فالمدن الكبار.

4. كيفاش نرجع السلعة و ناخد فلوسي؟

  1. صيفط لينا فواتساب ف 7 أيام
  2. كنصيفطو موصل كيجي كيديها من عندك
  3. ملي كتوصلنا و كنقلبوها واش باقا جديدة، كنرجعو ليك فلوسك
  • إلا كنتي مخلص عند الاستلام و ما خلصتيش: ما كتخلص والو، كترجعها و صافي
  • إلا كنتي مخلص قبل فوافاكاش: كنرجعو ليك فلوسك ف 24 ساعة
  • إلا كنتي مخلص بتحويل بنكي: كنرجعو ليك فالكونت ف 48 ساعة

ثمن الإرجاع: كتخلص 30 درهم ديال التوصيل. إلا الكوموند كانت فابور، كنقصو 30 درهم و كنرجعو ليك الباقي.

5. إمتا ما كنقبلوش الإرجاع؟

  • ❌ السلعة تغسلات
  • ❌ السلعة تلبسات و فيها ريحة
  • ❌ التيكي تقطع
  • ❌ دازت 7 أيام
  • ❌ السلعة تقطعات من طرفك
  • ❌ شريتي فصولد -50% (الصولد ما كيرجعش، غير كيتبدل)

6. إلا جاتني سلعة فيها ديفو ولا غالطة؟

هادي مسؤوليتنا 100% و كنعتاذرو بزاف:

  • إلا صيفطنا ليك طاية غالطة ولا لون غالط: كنبدلوها ليك فابور + كنعطيوك كوبون 50 درهم اعتذار
  • إلا فيها ديفو مصنع (خياطة محلولة، ثقب...): كنرجعوها و كنصيفطو ليك وحدة جديدة فابور + توصيل فابور + هدية
  • صيفط لينا تصويرة فواتساب ف 24 ساعة من التوصيل

7. كيفاش نطلب استرجاع؟

الطريقة 1 (أسرع) واتساب: صيفط لينا ف 0681947803: "السلام، بغيت نرجع / نبدل الكوموند ديالي - السمية: [سميتك] - السبب: [علاش]"

الطريقة 2 انستغرام: @nobllefit

الطريقة 3 الإيميل: noblefit.ma@gmail.com

كنجاوبو ف 5 دقايق فواتساب، 2 ساعات فانستا.

8. شحال كياخد باش يرجعو ليا فلوسي؟

  • وافاكاش / كاش بليس: 24 ساعة من نهار كتوصلنا السلعة
  • تحويل بنكي: 48 ساعة
  • إلا تأخرنا، كنزيدوك 20 درهم تعويض

9. نصائح باش ما تحتاجش ترجع

  • شوف دليل المقاسات قبل ما تشري
  • إلا ما عرفتيش طايتك، صيفط لينا وزنك و طولك فواتساب نعاونوك
  • شوف تصاور الزبناء فانستغرام باش تشوف كيفاش كتجي فالحقيقة
  • إلا كنتي بين جوج طايات، خود الكبيرة
💬 بغيتي تبدل ولا ترجع؟ دوي معنا فواتساب
كنجاوبو من 09:00 حتى 22:00 - 7/7 أيام
WhatsApp